კვების ობიექტი, რომელიც ითვალისწინებს თქვენს დიეტას

სწორი კვება მნიშვნევლოვანია ჩვენი ჯანმრთელობისათვის. თითოეული თქვენგანი ალბათ ერთხელ მაინც დაფიქრებულა, სწორად ვიკვებებით თუ არა, ზოგჯერ - გარეგნობის, ზოგჯერ კი ჯანმრთელობის გამო. 

 

ცხოვრების აჩქარებული რითმისა და გადატვირთული გრაფიკის გამო, უმრავლესობას არ გვრჩება საკმარისი დრო დავგეგმოთ ჩვენი და ჩვენი ოჯახის კვების განრიგი. ახლა კი წარმოიდგინეთ აპლიკაცია, რომელშიც თქვენ ასაკს, სქესს, ცხოვრების სტილს, მიზნებს მიუთითებთ და ის სეზონის და თქვენი დიეტის მიხედვით, თავად შეგიდგენთ კვების განრიგს თქვენი და თქვენი ოჯახის წევრებისათვის. უფრო მეტიც, თქვენ შეგეძლებათ შემოთავაზებული კერძები მონიშნოთ და მას დანიშნულების ადგილას მოგიტანენ.

 

ვთქვათ, თქვენი სასურველი დროა დილის 8 სთ. სახლში გადმოგცემენ შერჩეულ კერძებს. თქვენი ბავშვებისათვის ჯანსაღი სენდვიჩები უკვე გამზადებული, გადახვეული და მონიშნულია. მათ სკოლაში გაატანთ. თქვენთვის და თქვენი მეუღლისათვისაცაა ლანჩი ქილაში მოთავსებული და ვახშამიც მზადაა. მთელი დღის განმავლობაში არ დაგჭირდებათ საკვებზე ზრუნვა, იმიტომ რომ თქვენ უკვე ბევრ რამეზე ზრუნავთ.

 

რაც ყველაზე მნიშვნელოვანია, თქვენ გეცოდინებათ, რას მიირთმევენ თქვენი ოჯახის წევრები და რამდენად იღებენ საჭირო ვიტამინებსა და მინერალებს. ჯანსაღი კვება თქვენთვის ძალიან მარტივი გახდება.

 

როცა ბიზნესი მოთხოვნებს აკმაყოფილებს, არის ინოვაციური და ზრუნავს მომხმარებლებზე, დიდი შანსია, რომ გაამართლებს. 

 

წარმატებები ყველა თქვენ წამოწყებას!
 

Please reload

Please reload

კანადა ✉ საქართველო

hello@khatia.ca 

+1 343-883-5088 (WhatsApp)